نگارا لطف ایله لطفون اولا شامل من زاره
قالوب حسرت یانان کونلوم گوزل بیرنازلی دلداره
غزلخوان بیر قوشام اما فراقونده نواخوانم
سالوب چولدن چوله عشقون ایدوب چوللرده آواره
سنون تک بیر گوله ننگم منه واضحدی بو مطلب
ولیکن بیر نطر ائتسن اولار ترفیع چون خاره
مریض دردمندم من بو درده وصلتون درمان
طبیبا مهریلن باخسان یئتر تسکین بیماره
منه سنسیز جهنم یر زمان ظلمت فلک ظالم
من غمدیده دوران گونوم قاره گجه م قاره
اماندی گلمه سن یارا عجل مشتاق دور وصله
چکر دست قضاییله فلک بو عمرومی داره
نچه مدتدی بیر قوش تک اولوب طائر گرفتارون
یئتیش داده چخیر جانیم اوزون بو درده ائت چاره
تقریر روز جمعه ۹۸/۴/۷ ?
- چهارشنبه
- 25
- اسفند
- 1400
- ساعت
- 22:17
- نوشته شده توسط
- طائر
- شاعر:
-
طائر اورنگی
ارسال دیدگاه